Mphŭn pŏk gưl phim bi hdơr 80 thŭn krŭ kdơ̆ng mlan 8 leh anăn hruê mkŏ mjing ala čar 2-9
Thứ năm, 09:45, 14/08/2025
Pô mblang: H’ Zawut Byă
Pô mblang: H’ Zawut Byă
VOV.Êđê - Anôk bruă phim rup (Phŭn bruă dhar kreh, mjuăt asei mlei leh anăn hiu čhưn ênguê) bi hgŭm hŏng dŭm anôk bruă mkŏ mjing mphŭn pŏk gưl bi hdơr 80 thŭn krŭ kdơ̆ng mlan 8, mkŏ mjing ala čar 2-9, Hruê knhuah gru kahan ksiêm yang ƀuôn Việt Nam leh anăn 20 thŭn hrue jih jang mnuih ƀuôn sang răng mgang ala čar.
Bruă ngă dôk hlăm gưl mdah phim kluôm ala, mkŏ mjing hlăm mlan 8 leh anăn 9, kñăm hâo hưn êlam, boh nik hŏng phung hđeh, kơ knhuah gru khăp kơ ala čar, ai tiê bi hgŭm djuê ana hlăm bruă mtlaih êngiê, mkŏ mjing leh anăn răng mgang čar kwar.
Ti Dak Lak, dŭm anôk mdah mâo Anôk bruă mdah phim rup čar, Anôk bruă gĭt gai bruă kahan čar leh anăn Sang hră gưl prŏng Lăn dap Kngư duh leh kơ phung knuă druh, lĭng kahan, phung hriăm gưl prŏng leh anăn mnuih ƀuôn sang hŏng phim “ Phiơr hŏng asăp klei êngiê”, “Pô hrăm mbĭt yuôm bhăn”, “Klei bi hdơr Nam Xuân”.
Viết bình luận