Hră klei mrâo tal anei boh ni yuôm bhăn, jing sa hlăm bruă ngă êdah êdi mđing kơ klei bi hdơr 80 thŭn hruê knhuah gru kahan ksiêm yang ƀuôn, 20 thŭn knăm mơak jih jang mnuih ƀuôn sang răng mgang klei êđăp ênang čar kwar.

Hlăm knăm mđup brei klei pah mni, Êpul gơ̆ng mkŏ mjing ruah leh 72 klei čih êdah êdi čiăng mđup brei klei pah mni, mâo: 6 klei čih mâo klei pah mni A; 12 klei čih mâo klei pah mni B; 19 klei čih mâo klei pah mni C; 35 klei čih mâo klei pah mni mđĭ ai.  Sang mđung asăp blŭ Việt Nam (VOV) ktưn hưn mâo dua klei pah mni jing 1 klei pah mni A  mơ̆ng êpul  čih klei mrâo Bùi Thị Hương Giang; Nguyễn Thị Kim Thanh (Anôk bruă čih klei mrâo Sang mđung asăp blŭ Việt Nam) hŏng klei čih “Ti krah klei djiê hdĭp”leh anăn 1 klei pah mni mđĭ ai mơ̆ng êpul Bùi Hương Giang; Nguyễn Hà Phương (Hră klei mrâo Sang mđung asăp blŭ Việt Nam)  hŏng klei čih “Lui Klei đăo Tin lành Đêgar: Lŏ wĭt jing djŏ”.