Ênoh tuê hiu čhưn ênguê hlăm ala čar mâo giăm 80 êklăk čô, đĭ êbeh 8%. Ênoh hrui wĭt mơ̆ng bruă hiu čhưn ênguê truh hlăm brô 520 êbâo êklai prăk. Ti anôk bi kƀĭn online pŏk ngă bruă klam phŭn mơ̆ng anôk bruă hiu čhưn ênguê, Nguyễn Văn Hùng, Khua phŭn bruă Dhar kreh, Mjuăt ktang asei mlei lehanăn Hiu čhưn ênguê mâo mta kñăm klăklơ̆ng hlăk ala čar drei mkŏ dăp leh anôk bruă lehanăn pŏk ngă hdră knŭk kna alŭ wăl 2 gưl.

Khua phŭn bruă mtă kơ dŭm alŭ wăl pral ksiêm dlăng, mâo hdră duh bi liê phŭn kơ hdră hiu čhưn ênguê. Amâo djŏ knŏng hluê hlăm Hdră čuăl mkă bruă hiu čhưn ênguê Việt Nam mâo hưn mdah, dŭm alŭ wăl brei mjêč ksiêm dlăng, thiăm mbŏ hdră čuăl mkă hluê boh klei mrâo, mbĭt anăn bi mklă klei găl mâo mơ̆ng pô, mâo hdră bi hgŭm krĭng kñăm mjing hdră hiu čhưn ênguê tŭ dưn./.