Kluôm čar Kon Tum ară anei mâo 35 êpul hgŭm bruă, êpul bi hgŭm, duh mkra leh anăn giăm 800 gru hmô kyua Êpul phung kahan hđăp ngă khua.

Dŭm gru hmô rông êmô, bê mđai mơ̆ng Êpul hgŭm kahan hđăp 2 kdriêk Ngọc Hồi, Đăk Glei; gru hmô rông ênŭng pioh čhĭ amâo mâo hlŭ mơ̆ng Êpul hgŭm kahan hđăp kdriêk Sa Thầy, gru hmô pla ana êa drao mơ̆ng Êpul hgŭm kahan hđăp kdriêk Tu Mơ Rông, mâo klei tŭ dưn bruă duh mkra, dưi bi lar čiăng đru dŭm êtuh čô hlăm êpul hgŭm kahan hđăp gĭr ktưn tlaih ƀun kjăp. Kyua hlue ngă jăk hdră “Phung kahan hđăp đru bi hrŏ ƀun, ngă bruă duh mkra mbruă”, 5 thŭn êgao, ênoh gŏ êsei ƀun hlăm êpul hgŭm hrŏ leh êƀeh 16% adôk 8%.