Hlăm 172 anôk hrui blei mkă mnơ̆ng lŏ hma ti čar Kon Tum knŏng mâo 20 anôk mkă djăp klei găl ngă bruă. Adôk mâo truh 88 anôk mkă brei ruh mgaih, mbĕ đuĕ; 64 anôk mkă brei mbŏ hră mơar kơh dưi ngă bruă. Hlue ngă klei gĭt gai mơ̆ng Knơ̆ng bruă sang čư̆ êa čar Kon Tum, knơ̆ng bruă sang čư̆ êa dŭm kdriêk, ƀuôn prŏng hlăm čar dôk msir mgaih klei ngă soh mơ̆ng dŭm anôk mkă.

Klei ngă soh lu jing amâo čih anăn mnia blei; amâo ngă djŏ hdră bhiăn hlăm klei mkăp hră mơar bi mklă amâodah hră mơar ksiêm dlăng jih wưng dưn yua ƀiădah amâo lŏ nao bi mklă. Anôk mkŏ mjing anôk mkă amâo djŏ guôp hŏng hdră kčah yua lăn; anôk mkă mkŏ mjing ti anôk huĭ luč êđăp ênang hlăm êlan klông, ka mâo klei tŭ ư mkŏ hlue si hdră kčah.