Phạm Mạnh Hùng, k’iăng khua kiă kriê Sang mđung asăp blŭ Việt Nam, Khua êpul gơ̆ng hrŏng ruah brei thâo, leh hrŏng ruah hlăm êbeh 4.000 klei bi lông mơ̆ng 163 anôk bruă klei mrâo, Êpul gơ̆ng ruah mă leh 725 klei bi lông. Boh tŭ. Êpul gơ̆ng bi trông, bi klă hưn mdah 105 klei bi lông dưi mŭt hlăm klei bi lông knhal tuč.

Dŭm klei bi lông nao klă hŏng klei hdĭp, lu jơr hlăm akŏ klei bi lông, mta bruă, čih hưn dŭm klei mđing gĭt gai mơ̆ng Phŭn bruă kđi čar, Êpul khua bruă Đảng gưl dlông tal 13, Khua gĭt gai Đảng Tô Lâm, boh nik jing dŭm boh klei mâo hŏng lăn čar leh anăn bruă kđi čar, mprăp kơ ai dưi, boh kdrŭt ba lăn čar mŭt hlăm wưng mrâo. Dŭm klei bi lông čih hưn dŭm mta bruă mơ̆ng Bruă Kƀĭn Ala leh anăn Êpul gơ̆ng bruă ƀuôn sang dŭm gưl, kñăm hlăm 3 mta phŭn kmeh gơ̆ng mơ̆ng Bruă Kƀĭn Ala jing čih mkra hdră bhiăn, ksiêm dlăng gưl dlông leh anăn bi klă dŭm klei yuôm bhăn mơ̆ng lăn čar.