Thŭn 2024, hdră răng mgang klei êđăp ênang, bruă kđi čar, klei êđăp ênang ala ƀuôn ti Dak Lak dưi rơ̆ng kjăp, khă snăn ăt dôk lu klei amâo hơĭt ênang. Kơ hdră kđi čar ti čar, adôk 81 čô knuă druh ngă soh hŏng hdră bhiăn. Hră mơar kčŭt hưn dôk mâo lu, dleh dưi ksiêm dlăng. Kơ bruă răng mgang klei êđăp ênang ala ƀuôn, hlăm thŭn mâo leh êbeh 1.130 mta klei, ngă 21 čô djiê.

Boh tŭ hdră gang mkhư̆ klei ƀơ̆ng ngăn, klei ngă amâo djŏ, hlăm thŭn 2024 Dak Lak mkŏ mjing leh bruă ksiêm dlăng klei hluê ngă dŭm mta kčah mtrŭn kơ bruă hưn mdah klă mngač ti 30 êpul êya. Blŭ gĭt gai knăm anei,  Nguyễn Đình Trung, Khua bruă Đảng čar mtă kơ dŭm gưl, anôk bruă hluê ngă kjăp klei êđăp ênang bruă kđi čar, klei êđăp ênang ala ƀuôn, pral msir mghaih dŭm klei bluh mâo čiăng rơ̆ng klei hơĭt kjăp, mđĭ kyar bruă duh mkra – ala ƀuôn. Mđing đru kčĕ kơ Anôk kriê dlăng bruă Đảng čar, gĭt gai msir mghaih tŭ dưn klei kơ lăn ala, kơ djuê ana, klei đăo, amâo lui phung bi mčhua hŏng klei anei čiăng bi kdơ̆ng./.