Thŭn 2025, mbĭt hŏng hdră gang mkhư̆ klei ruă, mđĭ hnơ̆ng tŭ bruă ksiêm mkă dlăng, mdrao mgŭn klei ruă, Phŭn bruă mdrao mgŭn srăng mđing ksiêm dlăng, bi khuăt anôk bruă, mkŏ dăp wĭt anôk bruă mdrao mgŭn hluê Hdră mkŏ mjing Anôk bruă ksiêm dlăng klei ruă tưp Gưl dlông. Mkŏ mjing Hdră anei ba mdah kơ Khua knŭk kna bi mklă ba dŭm Sang êa drao dôk hlăm Phŭn bruă ba wĭt kơ alŭ wăl kriê dlăng hluê hdră ksiêm dlăng kluôm, lŏ mkŏ wĭt sang êa drao dôk hlăm Phŭn bruă mdrao mgŭn truh kơ wưng thŭn 2030.

Blŭ ti knăm anei, Kơiăng khua knŭk kna Lê Thành Long mtă, Phŭn bruă mdrao mgŭn brei hlue engă kjăp bruă mkŏ dăp anôk bruă, bi leh djăp ênŭm klei bhiăn, pral hluê ngă dŭm hdră êlan mtrŭn mơ̆ng Đảng, klei gĭt gai mơ̆ng Khua gĭt gai Đảng Tô Lâm kơ bruă mlih mrâo hdră čih mkra klei bhiăn mrâo hŏng klei mĭn mrâo rơ̆ng hdră kriê dlăng knŭk kna, mtrŭt mđĭ hdră mlih mrâo, ba yua jih klei găl mâo, mnuih ƀuôn sang jing phŭn, jing mta kñăm, boh kdrŭt kơ hdră mđĭ kyar./.