K’iăng Khua knŭk kna Bùi Thanh Sơn čih yap leh anăn bi mni kơ 7 boh tŭ êdah êdi mơ̆ng bruă tuh tia mnia blei, đru mguôp yuôm bhăn hlăm boh tŭ dưn mbĭt mơ̆ng kluôm ala leh anăn êbeh jih jang 15 hnơ̆ng kčah, hlăm anăn, hnơ̆ng đĭ kyar GDP jih thŭn 2024 mâo êbeh 7%.

Năng yap jing bruă tuh tia mkra mjing đĭ ti lu alŭ wăl; ba čhĭ kơ ala tač êngao mâo 800 êklai USD, đăo tĭng ba čhĭ kơ ala tač êngao mâo 403 êklai USD. Klei êdah êdi jing bruă ba čhĭ kơ ala tač êngao đĭ lu, hŏng klei kơrŭ wĭt jăk mơ̆ng dŭm êpul mnơ̆ng dhơ̆ng ba čhĭ phŭn, hlăk êjai đĭ 13,6% mkă hŏng thŭn 2023. Mŭt hlăm thŭn 2025, hlue si K’iăng Khua knŭk kna Bùi Thanh Sơn, bruă tal êlâo jing brei mjing wăl hdră bhiăn găl ênưih, klă mngač leh anăn dưi msir mgaih klei gun kpăk kơ hră mơar mđĭ kyar bruă tuh tia mkra mjing leh anăn mđĭ bruă mnia blei, ba čhĭ mnơ̆ng dhơ̆ng.