Anôk bruă rông mnơ̆ng čar mâo leh lu hdră kñăm mkăp djăp kđeh čĭm pioh čhĭ mnia. Ênoh jih jang mnŭ ada, ŭn êmô hlăm kluôm čar ară anei mâo 18 êklăk 500 êbâo drei, đĭ hĭn êbeh 1 êklăk drei mkă hŏng thŭn dih.

Ênoh hgăl ka čuh tă mâo 256.700 tôn, đĭ 11.700 tôn, jing djăp pioh čhĭ hlăm čar lehanăn dŭm alŭ wăl riêng gah hlăm wưng Tết anăp anei. Nguyễn Văn Hà, K'iăng khua knơ̆ng bruă lŏ hma čar Daklak brei thâo: Dŭm êpul hgŭm bruă, anôk rông mnơ̆ng, gŏ sang rông mnơ̆ng hlăm čar lŏ mđĭ leh ênoh rông kñăm bi hmao čhĭ djŏ hlăm wưng knhal jih thŭn. Knơ̆ng bruă mâo gĭt gai leh dŭm êpul êya djŏ tuôm hyuă kjăp bruă răng mgang klei ruă tư̆p kơ mnơ̆ng rông, ksiêm dlăng hnơ̆ng doh anôk  čuh tă, lehanăn dŭm anôk čhĭ mnia čiăng dưi mâo kđeh čĭm doh./.