K’iăng khua knŭk kna Trần Hồng Hà drông leh khua êpul grŭp Sumitomo
Thứ tư, 10:56, 09/10/2024
VOV Tây Nguyên
VOV Tây Nguyên
VOV4.Êđê - Aguah mbrue 8/10, ti Anôk bruă knŭk kna, k’iăng khua knŭk kna Trần Hồng Hà drông leh Shingo Ueno, Khua êpul grŭp Sumitomo (Japon).
K’iăng khua knŭk kna Trần Hồng Hà lač klei bi mguôp kluôm dhuôm plah wah Việt Nam lehanăn Japon hlăk mâo klei đĭ kyar hĭn êjai, jing leh atur yuôm bhăn kơ klei bi hgŭm duh mkra mnia mblei dua nah. Việt Nam hŏng klei mơak kăp drông nanao phung duh mkra mơ̆ng Japon, đru mguôp hyuôm bhăn hlăm klei bi hgŭm dua nah.
Ti anôk drông, K’iăng khua knŭk kna Trần Hồng Hà mâo leh klei akâo kơ êpul grŭp Sumitomo duh bi liê pui kmlă tuabin êwa LNG Vân Phong 2; đru mghaih msir klei dleh dlan, klei gun kpăk čiăng pral ba yua êlan Metro mrô 1 (Bến Thành-Suối Tiên) ti ɃP Hồ Chí Minh dưn ba yua jăk./.
Viết bình luận