VOV4.Êđê- Ênoh čhĭ kphê đi yuôm hĭn mkă hŏng yan dŭm thŭn êlâo, mjing leh boh kdrŭt čiăng kơ dŭm čar krĭng Lăn dap kngư mkra mđĭ bruă duh mkra ala ƀuôn, mđĭ hnư hrui wĭt mơ̆ng ƀĭng ngă lŏ hma. Khă snăn, hŏng mnuih mnia mblei kphê, anei jing yan ngă bruă dleh dlan, kyua ênoh mnia mblei kphê amâo h’ĭt, dleh dưi ksiêm dlăng, kyua anăn hdră rơ̆ng klei bi mnia mblei hlăm yan thŭn anei dleh snăk. Mâo dŭm anôk bruă duh mkra điêt knŏng jhŏng blei hŏng hnơ̆ng man dưn, bi ƀĭng ngă lŏ hma ăt kăn h’ĭt ai tiê: Tơdah čhĭ huĭdah ênoh lŏ đĭ, bi lui snăn huĭ ênoh lŏ trŭn.

VOV4.Êđê - Aguah mbrue (3-1), ti ƀuôn prŏng Ƀuôn Ama Thuôt, čar Daklak, knơ̆ng bruă mnia mblei hŏng ala tač êngao Nutrisol mkŏ mjing leh knăm “Ba čhĭ container Macca Daklak hlue hŏng mbah phŭn kơ ala čar Dhŭng Korea”.

VOV4.Êđê - Thŭn 2023, wăt tơdah mâo lu klei gĭr ktưn hlăm bruă kriê dlăng răng mgang leh anăn pla dliê, khădah hnơ̆ng kčah kơ hnơ̆ng luôm dliê mơ̆ng čar Dak Lak ăt kăn djăp hnơ̆ng kčah.

VOV4.Êđê- Hlăm dŭm hruê anei, čar Kon Tum mâo 3 kdriêk hmăi mơ̆ng gưl ê’ăt ktang jing Đăk Glei, Tu Mơ Rông lehanăn Kon Plông. Mbĭt hŏng hnơ̆ng adiê ê’ăt ktang, lu anôk lŏ mâo dhul lehanăn hjan ƀhŭk ngă kơ mnơ̆ng rông ênưih mâo klei ruă lehanăn ê’ăt. Čiăng rơ̆ng klei êđăp ênang, suaih pral kơ mnơ̆ng rông, bruă knŭk kna lehanăn anôk bruă lŏ hma dŭm alŭ wăl krĭng ê’ăt mđĭ hdră mtô mblang kơ mnuih ƀuôn sang gang mkhư̆ klei ư̆ êpa, klei ê’ăt ktang rơ̆ng klei êđăp ênang, suaih pral kơ mnơ̆ng rông.

VOV4.Êđê- Aguah mbrue (26/12), Knơ̆ng bruă lŏ hma čar Daklak bi mguôp leh hŏng knơ̆ng bruă AVAC jing anôk mkra mjing lehanăn čhĭ vaccin kơ mnơ̆ng Việt Nam mkŏ mjing klei trông čhai duah hdră ba yua vacxin gang mkhư̆ klei ruă tưp ruă tian ô̆ eh kơ ŭn ti čar Daklak.

VOV4.Êđê- Mŭt hlăm yan bhang thŭn anei, dŭm anôk bruă ti Dak Nông pral mâo hdră gang mkhư̆ klei kƀah êa yua hlăm bruă lŏ hma lehanăn klei hdĭp aguah tlam.

VOV4.Êđê- Hưn mdah mơ̆ng hruê 7/11 mrâo êgao, hla pŏk web mnia blei online Chonongsandaklak.vn kyua Êpul hgŭm lŏ hma čar kriê dlăng, dưi mkŏ mjing hjăn kơ hdră duh mkra êpul lu leh anăn bi hgŭm mkra mjing, hưn mdah, hưn mthâo mnơ̆ng dhơ̆ng, bi hgŭm ênoh yuôm mnơ̆ng dhơ̆ng lŏ hma leh anăn čhĭ hliê mnơ̆ng dhơ̆ng lŏ hma. 500 knưng mnơ̆ng tal êlâo hlăm Chonongsandaklak.vn dưi rŭ mdơ̆ng čiăng kơ ƀĭng lŏ hma yăl dliê kơ mnơ̆ng dhơ̆ng mơ̆ng hdră buh pla truh kơ hrui wĭt, đŭng hruh mjing mnơ̆ng dhơ̆ng.

VOV4.Êđê- čar Daklak mrâo hưn kơ boh hrui êmiêt kphê thŭn 2022-2023. Năng mđing jing hlăm êbeh 1 thŭn êgao, ênoh kphê dơ̆ng mâo klei đĭ. Ƀiădah klei đĭ yuôm anei amâo mâo prŏng ôh, jing amâo mâo klei bi dleh ôh hŏng bruă mnia mblei hŏng ala tač êngao, klei anei mdưn kơ phung ngă bruă kiă kriê dôk ti anăp klei dleh dlan.

VOV4.Êđê- Aguah mbruê 19/12, ti ƀuôn prŏng Ƀuôn Ama Thuôt, knơ̆ng bruă lŏ hma leh anăn mđĭ kyar krĭng ƀuôn sang čar Dak Lak bi mguôp hŏng knơ̆ng bruă lŏ hma leh anăn mđĭ kyar krĭng ƀuôn sang čar Quảng Ngãi mkŏ mjing klei kƀĭn trông mtrŭt mđĭ klei mnia mblei leh mkŏ klei mnia mblei đa đa mnơ̆ng dhơ̆ng OCOP thŭn 2023.

VOV4.Êđê- Ti ƀuôn prŏng Ƀuôn Ama Thuôt, čar Dak Lak, Anôk ksiêm dlăng bruă dliê kmrơ̆ng krĭng hlơr Việt Nam mrâo mkŏ mjing klei bi kƀĭn trông “Krŭ wĭt wăl anôk lăn dliê ti Dak Lak: Klei găl lehanăn lông dlăng”. Tinei, phung mă bruă kreh knhâo ba mdah leh hdră msir lŏ krŭ wĭt wăl anôk lăn dliê hlăm bruă pla mjing kphê, ngă lŏ hma mguôp hŏng bruă dliê kmrơ̆ng djŏ guôp hŏng klei bi mlih yan adiê.