VOV4.Êđê- Ƀri gưl nao čhưn leh anăn nao hlăm Hruê kăm dhar kreh hiu čhưn ênguê Gia Lai 2023, Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan mâo mmông bi tuôm, bi trông hŏng dŭm anôk bruă duh mkra mjing kphê ti alŭ wăl kơ klei mđĭ ênoh yuôm kphê.

VOV4.Êđê-Wăl hdĭp mda jăk hŏng lu knơ̆ng kdơ̆ng êa phŭn pui kmlă, knơ̆ng kdơ̆ng êa prŏng, ti čar Dak Nông mâo leh lu gru hmô rông kan ba klei tŭ dưn lu kơ bruă duh mkra. Khădah snăn, dŭm klei gun kpăk kơ klei bhiăn, klei găl bi liê dôk ngă gun kpăk kơ alŭ wăl anei ba yua klei găl čiăng mđĭ kyar bruă rông kan hdang brei ênoh duh mkra lu.

VOV4.Êđê - Êngao kơ klei mkŏ mjing lu bruă trông čhai, mjuăt bi hriăm dŭm êpul êya, phung duh mkra kñăm thâo ngă bruă ñŭ kma hŏng tač êngao, čar Lâm Đồng hlăk ktuh êyuh đru phung duh mkra duah êlan mnia mblei, mkŏ klei bi mnia mblei, pŏk mlar anôk mnia mblei dŭm mta mnơ̆ng mơ̆ng čar mâo.

VOV4.Êđê - Hlăm Festival Krie pioh lehanăn mđĭ bi lar ƀuôn bruă thŭn 2023, aguah mbrue (9/11) ti Hà Nội, Phŭn bruă lŏ hma hgŭm leh hŏng knơ̆ng bruă sang čư̆ êa ƀuôn prŏng Hà Nội mkŏ mjing klei bi trông bi tuôm hŏng 100 čô mnuih mbruă bi ala brei kơ êbeh 2 êbâo 107 čô mbruă, lehanăn kơ êbeh 3 êklăk 650 êbâo čô mnuih ngă bruă hlăm dŭm ƀuôn bruă kluôm ala.

VOV4.Êđê - Klei bi kƀĭn tal 6, Bruă kƀĭn ala gưl 15 dôk mŭt hlăm wưng êmuh leh anăn wĭt lač phung Khua phŭn bruă, Khua dhar bruă, hlăm anăn mâo bruă duh mkra lŏ hma. Phung bi ala kluôm ala mơĭt klei čang hmăng kơ klei đĭ kyar mơ̆ng bruă lŏ hma truh kơ Khua phŭn bruă lŏ hma leh anăn mđĭ kyar krĭng ƀuôn sang Lê Minh Hoan.

VOV4.Êđê- Đăo tĭng wăl anôk čhĭ mdiê braih kơ ala tač êngao hlăm thŭn 2024 năng ai srăng mâo 8 êklăk ton.

VOV4.Êđê - Lâm Đồng jing čar ba akŏ hlăm kluôm ala kơ bruă ngă lŏ hma ba yua kdrăp mrâo. Hlăm anăn, ba yua sang ală kĭng hlăm bruă pla mjing jing sa hlăm dŭm hdră msir ba wĭt klei tŭ dưn, đru mđĭ hnơ̆ng boh mnga, mđĭ ênoh hrui wĭt hlăm sa ênhă lăn pla mjing. Khă snăn, leh sa wưng sang ală kĭng đĭ kyar hŏng klei pral, hmăi truh kơ wăl hdĭp mda lehanăn ba lu klei truh amâo jăk mkăn. Kyua anăn, čar Lâm Đồng dôk čih mkra hdră êlan mbĕ, bi hrŏ ƀrư̆ ƀrư̆ ênhă sang ală kĭng kbiă mơ̆ng krĭng ƀuôn prŏng Đà Lạt lehanăn dŭm kdriêk djiêu gah.

VOV4.Êđê - Tlam mbrue, ti să Êa Kêñ, kdriêk krông Pač, čar Daklak, knơ̆ng bruă lŏ hma čar mkŏ mjing ba jao lehanăn ba yua ênao êa mdrơ̆ng hŏng klei bi mlih yan adiê, lehanăn đru kơ bruă lŏ hma dôk hlăm knua “Mđĭ hĭn klei dưi mdrơ̆ng hŏng klei bi mlih yan adiê, lehanăn đru hlăm bruă mkăp êa kơ alŭ wăl điêt mơ̆ng čar Daklak.

VOV4.Êđê- Ară anei mnuih pla mjing ti Daklak hlăk čhuang hlăm wưng knhal tuiič hrui êmiêt boh durian tan thŭn 2022 – 2023 anei. Tui si êpul hgŭm bruă pla mjing boh durian Daklak, thŭn anei jing thŭn djŏ boh mnga, lehanăn čhĭ yuôm mơh, mnuih pla mjing mâo prăk mnga prŏng.

VOV4.Êđê- Mprăp hlăm yan hrui pĕ kphê, Knơ̆ng bruă sang čư̆ êa čar Dak Lak mrâo mâo Asăp mtrŭn kñăm rơ̆ng kơ bruă mkra mjing, hrui pĕ leh anăn ba čhĭ kphê yan boh mnga 2023-2024 mâo klei tŭ dưn.