VOV4.Êđê- Hruê mbruê 25/10, ti ƀuôn prŏng Pleiku, čar Gia Lai mkŏ mjing Klei bi trông mlih mrô hlăm bruă lŏ hma dŭm čar Lăn Dap Kngư kñăm mđĭ ba čhĭ mnơ̆ng dhơ̆ng lŏ hma.

VOV4.Êđê - Ti ƀuôn prŏng Ƀuôn Ama Thuôt, Knơ̆ng prăk knŭk kna Việt Nam mrâo bi hgŭm hŏng Knơ̆ng bruă sang čư̆ êa čar Dak Lak mkŏ mjing Klei bi kƀĭn mkŏ Knơ̆ng prăk - Anôk bruă duh mkra krĭng Lăn Dap Kngư. Klei bi kƀĭn kñăm ruh mgaih klei dleh dlan kơ anôk bruă duh mkra, mđĭ klei dưi brei čan prăk kơ anôk bruă duh mkra ti Lăn Dap Kngư

VOV4.Êđê- Kluôm čar mâo hlăm brô 150 êpul hgŭm bruă lŏ hma, êbeh 270 đang war, gŏ sang rông mnơ̆ng leh anăn êbeh 15.500 gŏ sang ƀĭng ngă lŏ hma mâo klei bi mguôp mkra mjing leh anăn ba čhĭ mnơ̆ng dhơ̆ng hŏng knơ̆ng bruă

VOV4.Êđê - Knơ̆ng ksiêm hriăm kreh knhâo – kdrăp mrâo bruă lŏ hma dliê kmrơ̆ng Lăn dap kngư mkŏ mjing klei ksiêm wĭt hdră “Mđĭ klei h’ĭt kjăp, hnơ̆ng mâo boh mnga lehanăn boh tŭ bruă duh mkra mơ̆ng hdră pla mjing lehanăn blei mnia kphê, tiu ti krĭng Lăn dap kngư” thŭn 2023

VOV4.Êđê- Hrue mbrue (6/10), Klei hgŭm dŭm êpul hgŭm bruă čar Daklak mkŏmjing leh klei bi trông mkŏ bruă duh mkra mnia mblei mơ̆ng phŭn hlŏng kơ êdŭk.

VOV4.Êđê- Hlăm 9 mlan thŭn 2023, mâo 32 mta mnơ̆ng mâo ênoh ba čhĭ kơ ala tač êngao êbeh 1 êklai USD.

VOV4.Êđê - Mơ̆ng ară anei truh kơ knhal jih thŭn, kluôm Anôk bruă Lŏ hma lehanăn mđĭ kyar krĭng ƀuôn sang mđing kơ bruă ba čhĭ dŭm mta mnơ̆ng mâo klei găl kơ ala tač êngao čiăng dưi mâo mta kñăm đĭ kyar lehanăn ba čhĭ mnơ̆ng kơ ala tač êngao” jing klei bi mklă mơ̆ng K’iăng khua Phŭn bruă Lŏ hma lehanăn đĭ kyar krĭng ƀuôn sang Phùng Đức Tiến tianôk bi kƀĭn phung čih klei mrâo grăp gưl mlan 9 dưi mkŏ mjing ti Hà Nội.

VOV4.Êđê- Hlăm dŭm thŭn giăm anei, anôk bruă mơ̆ng knơ̆ng prăk lŏ hma leh anăn mđĭ kyar krĭng ƀuôn sang ti Dak Lak pŏk mlar truh kơ dŭm ƀuôn sang krĭng taih kbưi, krĭng mnuih djuê ƀiă. Ară anei mâo leh êbeh 10 êbâo gŏ êsei mnuih djuê ƀiă čan êbeh 2 êbâo êklai prăk ti dŭm anôk bruă mơ̆ng Agribank Dak Lak. Mơ̆ng ênoh čan anei mnuih ƀuôn sang mâo klei găl čiăng bi liê kriê dlăng ana pla mjing, mnơ̆ng rông djŏ wưng, amâo jưh knang kơ klei brei čan mă mnga lu msĕ si êlâo dih ôh.

VOV4.Êđê- Bruă sang čư êa čar Dak Lak mkŏ mjing klei kƀĭn trông ksiêm wĭt 3 thŭn hluê ngă hdră êlan mđĭ kyar bruă duh mkra êpul, êpul hgŭm bruă wưng thŭn 2021 – 2025 leh anăn hdră ngă bruă mơ̆ng bruă sang čư êa čar hluê ngă klei bi klă mơ̆ng Phŭn bruă kđi čar kơ klei lŏ dơ̆ng mlih mrâo, mđĭ kyar leh anăn mđĭ boh tŭ dưn bruă duh mkra êpul hlăm wưng kơ anăp.

VOV4.Êđê- Bi mlih mrô, ba yua kdrăp mrô hlăm bruă mkra mjing lŏ hma ƀrư̆ hruê mâo mnuih ƀuôn sang, anôk bruă duh mkra, anôk bruă kriê dlăng knŭk kna čar Dak Lak mđing dlăng. Mơ̆ng anăn, ƀrư̆ bi mlih hdră mkra mjing, bi hrŏ prăk bi liê, mđĭ hnơ̆ng ngă bruă, hnơ̆ng jăk mnơ̆ng dhơ̆ng, mđĭ prăk hrui wĭt kơ mnuih ƀuôn sang, đru mđĭ bruă duh mkra alŭ wăl.