Truh ară anei, êbeh 2000 ha ana pla mjing ti Dak Lak kƀah êa krih. Hlăm anăn, mâo êbeh 1.300 ha kphê, 638 ha mdiê leh anăn 36 ha ana pla mjing mkăn. Đăo knăl hlăm wưng kơ anăp, srăng mâo mơ̆ng 5.000-8.000 ha pla mjing srăng kƀah êa krih tơdah adiê không mđiă ktang mâo sui. Ti anăp klei dleh ktuê dlăng, Knơ̆ng bruă lŏ hma leh anăn mđĭ kyar lŏ hma čar Dak Lak hŏng dŭm anôk bruă kriê dlăng Knơ̆ng kdơ̆ng êa bi hgŭm hŏng dŭm alŭ wăl mjêč ngă hdră msir mdrơ̆ng hŏng adiê không kƀah êa kñăm mkhư̆ ƀiă hĭn klei luc liê.

Trịnh Quốc Bảo,  K’iăng Khua Knơ̆ng bruă kriê dlăng knơ̆ng kdơ̆ng êa Dak Lak brei thâo, truh ară anei, hlăm ênhă ana pla mjing knơ̆ng bruă krih êa mâo êbeh 1.380 ha kƀah êa krih, hlăm anăn dưi krih leh kơ êbeh 79- ha, ênhă adôk dôk gĭr yua masin pom êa adôk ƀiă hlăm ênao êa čiăng mdrơ̆ng hŏng klei adiê không kƀah êa./.