Mă bruă hŏng pô dliê ti kdriêk Sa Thầy, čar Kon Tum, K’iăng Khua knŭk kna Trần Lưu Quang mtă kơ pô dliê, êpul ksiêm dlăng dliê hâo hưn klă klơ̆ng kơ klei dleh dlan, gun kpăk hlăm hdră kriê dlăng, răng mgang dliê ti alŭ wăl. Blŭ hrăm hlăm mmông mă bruă, K’iăng Khua knŭk kna Trần Lưu Quang čang hmăng dŭm anôk bruă gĭr găn jih klei dleh dlan čiăng lŏ dơ̆ng ngă jăk bruă răng mgang dliê.

Đăo knăl adiê mđiă hlơr ăt adôk mâo, kyua anăn, K’iăngKhua knŭk kna Trần Lưu Quang mtă kơ dŭm anôk bruă pô dliê ti Sa Thầy, Kon Tum, anôk dôk mâo klei đăo knăl hưn brei răng pui ƀơ̆ng dliê huĭ hyưt, brei mkŏ mjing klă klơ̆ng hdră truih mdjiê klei pui ƀơ̆ng hlăm djăp boh klei, dlăng anei jing bruă klam phŭn./.