Klei kƀĭn mkŏ mjing hŏng hdră online bi mguôp hŏng klă anăp, mkŏ mjing klei găl kơ phung khua gĭt gai dŭm alŭ wăl ti krĭng Lăn Dăp Kngư, dŭm êpul hgŭm bruă, knơ̆ng bruă, bi ala dŭm anôk bruă, êpul êya đru kơ bruă mnia mblei hlăm leh anăn êngao lăn čar.

Vũ Bá Phú, khua anôk bruă mtrŭt mđĭ klei mnia mblei – Phŭn bruă tuh tia mñă klă, krĭng Lăn Dăp Kngư jing kroĭng mkra mjing lu boh mnga bruă lŏ hma, mâo hnơ̆ng lu, boh nik jing ana pla mjing sui thŭn, ana ƀơ̆ng ƀoh. Đa đa mnơ̆ng mnia mblei dôk hlăm êpul mrô 1 hlăm alŭ wăl msĕ si kphê, tiu, kruĕ hruĕ, kñŭl. Ênhă pal mjing dŭm ana êa drao yuôm msĕ si Ngọc Linh, sâm hruê̆, mao linh chi hrah, đinh lăng, hà thủ ô, đương quy, hoa hòe… ăt msĕ mơh đĭ kyar hmar, mkŏ mjing dŭm krĭng pla mjing êa drao ti krĭng Lăn Dăp Kngư.