Kyua adiê mđiă hlơr ktang, mâo hruê truh giăm 40 độ C mbĭt hŏng klei kƀah êa ngă kơ lu ênhă kphê ti kdriêk Đăk Hà, čar Kon Tum krô hla, adhan lehanăn luh boh. Klei luič liê mâo kjham êdi ti dŭm krĭng pla amâo mâo êa krih mơ̆ng dŭm hdră knơ̆ng mbông êa.

Hluê si Anôk bruă sang čư̆ êa kdriêk Đăk Hà, ară anei mâo êbeh 71 ha kphê ti alŭ Bình Minh, să Hà Mòn amâo mâo djăp êa krih kyua ênao êa C3 khuôt jih.Hŏng êbeh 15.000 héc ta, kdriêk Đăk Hà ară anei jing alŭ wăl mâo ênhă kphê prŏng êdi ti Kon Tum. Hlăk adiê mđiă hlơr, thu krô đăo knăl dôk mâo sui snăn dŭm hdră knơ̆ng mbông êa ti kdriêk Đăk Hà, čar Kon Tum khuôt jih, amâo mâo êa. Čiăng mdrơ̆ng hŏng klei kƀah êa, ƀĭng ngă lŏ hma duh leh đĭng êa dŭm km pom êa ƀiădah ăt tlă anăp hŏng klei luič liê./.