“Lŏ dơ̆ng mđing, mđĭ ktang hĭn bruă hâo hưn, hưn mah kphê jăk Việt Nam kơ  phung ba yua hlăm ala čar leh anăn dlông rŏng lăn”. Anei jing 1 hlăm dŭm bruă kklam mâo Êpul   hgŭm kphê jăk mñă hlăm Hdră mtrŭn Klei bi kƀĭn kphê jăk tal 2, wưng 2024-2029 mkŏ mjing hruê 2-8, ti ƀuôn prŏng Ƀuôn Ama Thuôt, čar Dak Lak. Êpul kphê jăk (hlăm Êpul hgŭm Kphê Ƀuôn Ama Thuôt, čar Dak Lak) dưi mkŏ mjing thŭn 2019.

Leh 5 thŭn mkŏ mjing leh anăn mđĭ kyar, truh ară anei Êpul hgŭm mâo leh êbeh 80 čô hlăm dŭm krĭng mkra mjing kphê hlăm kluôm ala (mâo: Dak Lak, Dak Nông, Lâm Đồng, Gia Lai, Kon Tum, Sơn La, Quảng Trị, Nghệ An... )  Hlăm klei bi kƀĭn, phung bi ala đru mguôp klei blŭ čiăng mkŏ mjing êpul đĭ kyar hĭn hlăm wưng mrâo, mñă klă lŏ dơ̆ng mđĭ bruă klam mkŏ plah wah phung hlăm êpul, mkŏ iêô jak anôk đeh kphê, mnia blei, anôk čhĭ mnia leh anăn dŭm anôk mkăp hdră bruă čiăng mkŏ mjing hdră bi hgŭm kjăp. Mđĭ klei thâo mkra  mjing kphê jăk, hriăm juăt, yua dŭm kdrăp mrâo hŏng hnơ̆ng kčah mkra mjing kphê kjăp.