Klei čih mkra hdră hưn mdah bruă Duh mkra – Ala ƀuôn ba mdah dŭm hdră msir mrâo hĭn
Thứ năm, 11:09, 08/08/2024
VOV Tây Nguyên
VOV Tây Nguyên
VOV4.Êđê- Aguah mbruê 7/8, Anôk bruă čih mkra mơ̆ng Êpul bruă Duh mkra – ala ƀuôn mkŏ mjing Klei bi kƀĭn kluôm đru mguôp klei blŭ kơ Klei čih mkra hdră hưn mdah bruă tĭng dlăng 5 thŭn hluê ngă Hdră êlan mđĭ kyar bruă duh mkra – ala ƀuôn 10 thŭn 2021 – 2030, hdră êlan, bruă klam mđĭ kyar hdră duh mkra – ala ƀuôn 5 thŭn 2026 – 2030 (klah čŭn Klei hưn mdah bruă Duh mkra – ala ƀuôn)
Blŭ ti knăm mphŭn pŏk, Khua phŭn bruă Hdră kčah lehanăn Duh bi liê, Khua Êpul čih mkra Nguyễn Chí Dũng brei thâo, hdră čih mkra Klei hưn mdah bruă Duh mkra – ala ƀuôn mâo pŏk ngă mjêč, dưi hluê ngă leh Klei bi kƀĭn tal 9 Anôk kriê dlăng bruă Đảng gưl dlông.
Hluê ngă klei gĭt gai mơ̆ng Khua knŭk kna, Khua Êpul bruă Duh mkra – ala ƀuôn, Êpul čih mkra mkŏ mjing leh hdră bi mklă bruă klam klă klơ̆ng kơ grăp čô hlăm êpul nao hgŭm čih mkra klei hưn mdah mâo Klei bi kƀĭn tal 9 bi mklă. Klei čih mkra anei ƀrư̆ dưi ngă leh, mâo klei bi mklă čiăng rơ̆ng klei klă mngač hlăm dŭm mta phŭn./.
Viết bình luận