VOV4.Êđê - Knơ̆ng bruiă sang čư̆ êa kdriêk Krông Pač, čar Daklak mrâo hgŭm leh hŏng phung duh mkra mkŏ mjing bruă ba čhĭ hruh čĭm iăt tal êlâokơ China hlue êlan phŭn.

VOV4.Êđê- Giăm dŭm pluh thŭn hŏng anei, lu ƀĭng lŏ hma ti wăl krah Ƀuôn Hồ, čar Dak Lak jhŏng ba ana pla čhĭ Tết. Kyua ana pla mjing djŏ guôp hŏng lăn ala anăn mnga đào blang jăk siam leh anăn mâo lu mnuih ƀuôn sang khăp. Bruă pla mnga đào đru kơ lu ƀĭng ngă lŏ hma mâo prăk hrui wĭt lu. Ară anei phung pla mjing mta ana anei dôk mjêč ruăt kriê dlăng kdrêč knhal tuč čiăng mprăp kơ yan mnga Tết Giáp thìn 2024.

VOV4.Êđê- Giăm anei, kyua ênoh boh durian đĭ yuôm hĭn, đru kơ lu phung pla mjing čar Tiền Giang kpưn đĭ kơ mdrŏng, anăn ară anei ti dŭm alŭ wăl hlăm čar ƀĭng lŏ hma čŏng pla mjing lu êngao kơ hdră kčah, boh nik koh druôm ana mkăn čiăng pla durian lu đei ƀiădah ka thâo kơ ênoh ênil êdei anăp.

VOV4.Êđê - Mđĭ kyar ti lăn dap kngư brei thâo tĭng mkă kơ klei ba yua êa jua” anei jing klei blŭ ktang êdi mơ̆ng anôk bi trông klei klei kreh knhâo “Êa hŏng klei hdĭp anak mnuih čư̆ čhiăng” mâo Êpul hgŭm bruă êa jua Việt Nam bi mguôp hŏng dŭm dhar bruă djŏ tuôm mkŏ mjing hlăm aguah mbrue, ti ƀuôn prŏng Buôn Ma Thuột, čar Đắk Lắk.

VOV4.Êđê - Hŏng akŏ “Hrăm mbĭt ruh mgaih klei dleh dlan, đru kơ ƀĭng ngă lŏ hma mtrŭt mđĭ klei đĭ kyar bruă duh mkra bruă lŏ hma, krĭng ƀuôn sang hmar leh anăn kjăp”, tlam mbruê 11/1, Khua bruă sang čư êa čar Kon Tum Lê Ngọc Tuấn blŭ hrăm hŏng 500 čô bi ala jing phung knuă druh, phung hgŭm ƀĭng ngă lŏ hma hlăm čar.

VOV4.Êđê - Mkra mjing mdiê ti Dak Lak ară anei dôk mrô sa krĭng ktuê hang ksĭ Dhŭng kwar Krah leh anăn Lăn Dap Kngư hŏng ênhă buh pla hlăm brô 100 êbâo ha

VOV4.Êđê - Leh sa wưng găn dŭm klei lông dlăng kyua klei yan adiê ngă, klei ruă tưp, boh nik klei amâo h’ĭt hlăm wăl anôk ngă bruă kyua toh hroh hdră duh mkra tar rŏng lăn, ƀiădah bruă pla mjing lehanăn ba čhĭ dŭm mta mnơ̆ng lŏ hma, dliê kmrơ̆ng, mnơ̆ng hlăm êa ăt dưi mâo boh tŭ, amâo djŏ knŏng rơ̆ng mâo djăp mnơ̆ng ƀơ̆ng huă, ƀiădah lŏ mjing lu pŏk rup siam hlăm hdră duh mkra ala čar. Êbeh 53 êklai USD hrui wĭt mơ̆ng bruă ba čhĭ mnơ̆ng hlăm thŭn 2023 kruăk leh klei gĭr ktưn amâo thâo êmăn mơ̆ng ƀĭng ngă lŏ hma, mơ̆ng phung mă bruă kriê dlăng, phung kreh knhâo hlăm bruă anei, mơ̆ng anăn mjing tir knơ̆ng lehanăn boh kdrŭt mtrŭt mđĭ bruă lŏ hma lŏ dơ̆ng đĭ kyar hĭn, dưi mâo yan ngă bruă jăk hl

VOV4.Êđê- Thŭn 2023, hdră ba čhĭ mnơ̆ng mơ̆ng Dak Lak lŏ mjing gru kruăk hlăk mâo 1,6 êklai USD, đĭ 0,9% mkă hŏng wưng anei thŭn 2022.

VOV4.Êđê- Thŭn 2023, wăt tơdah boh klei bruă duh mkra, ala ƀuôn mâo lu klei dleh dlan, ƀiădah klei ba čhĭ kơ ala tač êngao ti Gia Lai ăt mâo prăk hrui wĭt 680 êklăk USD, đĭ 3,03% mkă hŏng wưng anei.

VOV4.Êđê- Hluê ngă klei gĭt gai mơ̆ng knŭk kna, bruă sang čư êa čar Kon Tum dôk hluê ngă bruă mlih êbeh 73ha lăn dliê yua kơ bruă mkăn čiăng rŭ mjing êlan klông, knơ̆ng kdơ̆ng êa.