Mnuih pla boh durian hlăm kdriêk Krông Pač, jing pô phŭn kơ knăm anei, hlăk mâo dŭm bruă ngă hŏng knăm mơak. Mnuih ƀuôn sang amâo mâo djŏ knŏng dlăng kriê bi jăk čiăng mâo boh durian siam, ƀiădah lŏ mjing klei kƀăt siam pioh kơ bruă mkŏ mjing knăm mơak, mprăp drông tue nao čuă dlăng đang boh, lehanăn iêo jak tue ƀơ̆ng boh amâo mâo mă prăk ôh.

Knăm mơak boh durian Krông Pač mâo mkŏ mjing dŭm mta bruă msĕ si: Knăm dhar kreh djăp djuê ana, knăm ruĕ hlăm êlan klông, klei răng mdah boh čhĭ mnia, dŭm mta mnơ̆ng djăp ênoh čuăn OCOP… Hŏng knăm anei kñăm bi mklă, lehanăn hưn mdah djăp klei găl kơ bruă duh bi liê lehanăn pla mjing, mkra mjing boh mnga mbĭt hŏng bruă hiu čhưn ênguê ti alŭ wăl./.