Mkŏ mjing êpul đru mdul klei luič liê leh klei êmô mă êa ksâo djiê
Thứ tư, 09:45, 21/08/2024
VOV TAYNGUYEN
VOV TAYNGUYEN
VOV4.Êđê- Tlam 20/8, Anôk bruă sang čư̆ êa čar Lâm Đồng ba mdah hdră mtrŭn mkŏ mjing êpul đru mdul klei luič liê ti êpul êmô mă êa ksâo ruă tian eh m’êa lehanăn djiê lu leh tlŏ vaccine NAVET-LPVAC gang mkhư̆ klei ruă bŏk klĭt mơ̆ng Anôk bruă Navetco.
Hluê anăn, Êpul ngă bruă đru mdul klei luič liê ti êpul êmô mă êa ksâo ruă tian eh m’êa kyua tlŏ vaccine bŏk klĭt ti alŭ wăl čar Lâm Đồng mâo 12 čô. Êpul mâo bruă klam ksiêm dlăng, tĭng mkă, čih mkra hdră kčah čiu hnô klei luič liê, bi hgŭm hŏng Anôk bruă mguôp hnư mdrao mgŭn mnơ̆ng rông gưl dlông Navetco pŏk ngă hdră čiu hnô, đru mdul klei luič liê ti êpul êmô mă êa ksâo mâo klei ruă leh tlŏ vắc xin NAVET-LPVAC ti čar Lâm Đồng djŏ hdră kčah.
Tĭng truh ară anei, čar Lâm Đồng mâo êbeh 6.400 drei êmô ruă tian eh m’êa, hlăm anăn mâo 348 drei djiê leh tlŏ vaccine klei ruă bŏk klĭt mơ̆ng Anôk bruă Navetco.
Viết bình luận