Leh ksiêm dlăng boh sĭt pŏk ngă hdră gang mkhư̆ klei ruă tưp mơ̆ng êpul mdrao kơ mnơ̆ng rông leh anăn bruă sang čư̆ êa alŭ wăl, đa đa war êning mâo êmô mmă êa ksâo ruă tian leh anăn djiê ti 2 kdriêk Đơn Dương leh anăn Đức Trọng, êpul mă bruă mâo leh mmông mă bruă hŏng khua gĭt gai čar Lâm Đồng.

Tinei, K’iăng Khua phŭn bruă Phùng Đức Tiến mtă kơ dŭm anôk bruă gưl dlông hŏng alŭ wăl brei pral pŏk ngă dŭm hdră mdrao kơ mnơ̆ng rông, mkhư̆ ƀiă hĭn klei luč liê leh anăn rơ̆ng bi doh wăl hdĭp mda. Anôk bruă mdrao kơ mnơ̆ng rông hŏng dŭm anôk bruă mjêč mâo hdră mdrao kơ  êmô mâo klei ruă čiăng hưn kơ mnuih ƀuôn sang bi hgŭm mdrao êmô mâo klei ruă. Phŭn bruă lŏ hma leh anăn mđĭ kyar krĭng ƀuôn sang, dŭm anôk bruă gưl dlông, anôk bruă duh mkra phŭn kơ rông mnơ̆ng srăng đru kdrăp mdrao mgŭn, êa drao kơ čar Lâm Đồng.