Mkŏ mjing aguah 17/8, ti sang mrô 498 êlan Hoàng Quốc Việt, ƀuôn hgŭm Cổ Nhuế, kdriêk čar Bắc Từ Liêm, Hà Nội. Dŭm mta mbnơ̆ng mơ̆ng kphê jăk ba bi lông ênoh tal anei mâo leh klei bhiăn hrŏng ruah hŏng klei kjăp, mă klei hriăm mơ̆ng bruă mkŏ mjing êlâo ti anôk bi lông kphê jăk Việt Nam 2024 (Vietnam Amazing Cup 2024).

Hlăm gưl anei, srăng mâo 9 mta kphê Robusta lehanăn 6 mta kphê Arabica ba bi lông mđĭ ênoh. Grăp mta kphê ba bi lông hlŏng bi êdah klei jăk klei găl mơ̆ng anôk pla mjing, hưn mdah kơ klei tŭ dưn kphê Việt Nam hing ang hŏng tar rŏng lăn jing kphê jăk. Thŭn dih, klei bi lông čhĭ mđĭ ênoh mâo ba wĭt leh klei tŭ dưn. Ênoh tŭ dưn mơ̆ng kphê mâo mđĭ êbeh mơ̆ng 5-7 blư̆ mkă hŏng kphê aguah tlam, bi mklă leh klei tŭ dưn kphê jăk mơ̆ng Việt Nam.