Phŭn bruă lŏ hma mă bruă hŏng čar Gia Lai tui duah krĭng mrâo pioh mkăp êa mơ̆ng knơ̆ng mbông êa Ia Mơr
Thứ sáu, 14:42, 02/08/2024
VOV TAYNGUYEN
VOV TAYNGUYEN
VOV4.Êđê- Aguah mbrue 1/8, Khua phŭn bruă lŏ hma Lê Minh Hoan mbĭt hŏng êpul ngă bruă mâo leh bruă mă hŏng knơ̆ng bruă sang čư̆ êa čar Gia Lai kơ bruă ruh mgaih jih klei dleh dlan, tui duah krĭng mrâo kơ klei krih mđoh êa mơ̆ng knơ̆ng mbông êa Ia Mơr.
Knơ̆ng êa Ia Mơr, bi liê hŏng ênoh truh 2.600 êklai prăk, jing kñăm krih mđoh djăp kơ êbeh 14.300ha lăn pla mjing ti dŭm čar Gia Lai lehanăn Daklak. Siăm dah leh mkra knơ̆ng êa anei, knŏng mrâo krih mđoh kơ 3.600ha, snăn adôk jing 5000ha ka mâo êlan mnuôr mbông êa dưi mkra mjing ôh.
Ti anôk mă bruă, Knơ̆ng bruă sang čư̆ êa čar Gia Lai akâo leh kơ phŭn bruă lŏ hma mkra hdră êlan mrâo tă êlan mnuôr êa krih mđoh hlăm dŭm lăn đang ksu amâo mâo klei tŭ dưn ôh pioh bi mlih mnơ̆ng pla mkăn mâo klei tŭ dưn hĭn. Khua phŭn bruă lŏ hma tŭ ư klei Gia Lai akâo, rơ̆ng mbĭt hŏng bruă mđĭ kyar dliê, răng mgang knông lăn, lehanăn ba wĭt klei tŭ dưn kơ bruă lŏ hma pla mjing mơh./.
Viết bình luận