Hluê anăn, 9 mlan êgao, hnơ̆ng hrui wĭt ngăn prăk knŭk kna ti Dak Lak mâo 6.200 êklai prăk, giăm 90% klei đăo tĭng mâo Gưl dlông kčah, đĭ êbeh 12% mkă hŏng wưng anei thŭn 2023. Knŏng ênoh hrui jia lehanăn prăk tăk mâo anôk bruă jia hrui truh 94% klei kčah jao.

Dŭm ênoh hrui đĭ mkă hŏng thŭn êlâo msĕ si: Jia lăn, jia răng mgang wăl hdĭp mda, hrui mơ̆ng krĭng wăl êngao knŭk kna, mơ̆ng anôk bruă duh mkra mâo ênoh duh mơ̆ng ala tač êngao. Phạm Thanh Long, Kơiăng khua knơ̆ng bruă jia čar Dak Lak brei thâo, čiăng mâo boh tŭ anei, êpul pŏk ngă leh kjăp dŭm hdră msir kriê dlăng prăk hrui wĭt, mtrŭt klei tuh jia. Bi lar hdră mtô mblang kơ hdră mtrŭn, hdră bhiăn jia, ba yua kdrăp hâo hưn mrâo, mtrŭt mđĭ bruă ngă hră mơar, bi mlih mrô./.