Klei hâo hưn hlăm klei bi trông brei ƀuh, boh klei mgưt mnơ̆ng dhơ̆ng anăn knăl Đà Lạt mkŏ mjing hlăm wưng sui, ngă hmăi lu snăk kơ bruă mkra mjing, mnia blei mnơ̆ng dhơ̆ng lŏ hma Đà Lạt leh anăn čar Lâm Đồng. Hlăm klei bi trông, lu klei blŭ lač, brei mđĭ ktang bruă hâo hưn mtô mblang, hriăm mjuăt hdră bhiăn pioh klei thâo, bruă klam, hnơ̆ng yuôm bhăn anăn knăl mnơ̆ng dhơ̆ng lŏ hma Đà  Lạt, mđĭ ktang mkăp mrô QR Code bi klă phŭn agha mnơ̆ng dhơ̆ng lŏ hma Đà Lạt.

Mbĭt anăn, ngă jăk bruă ksiêm dlăng mnơ̆ng dhơ̆ng yua anăn knăl Đà Lạt; ksiêm dlăng anôk ba čhĭ mnơ̆ng dhơ̆ng, mkra mđĭ bruă mnia blei mnơ̆ng dhơ̆ng lŏ hma, klei mgưt anăn knăl, rơ̆ng klei dưi phung mkra mjing, phung blei yua leh anăn kơhưm anăn knăl mnơ̆ng dhơ̆ng lŏ hma Đà Lạt...