Hluê boh tŭ ksiêm dlăng dliê thŭn 2023 mơ̆ng dŭm čar krĭng Lăn dap kngư; ênhă dliê dôk mâo ti krĭng lăn dap kngư êbeh 2,5 êklăk ha, hlăm anăn dliê čŏng mâo giăm 2,1 ha, truh 81% ênhă dliê pla giăm 500 êbâo ha, truh 19%.

Krĭng Lan dap kngư mâo giăm 13 êbâo pô dliê jing dŭm gŏ sang, mnuih, êpul êya kriê dlăng êbeh 127 êbâo ha. Gĭt gai klei kƀĭn anei, Khua knơ̆ng ksiêm dlăng dliê kmrơ̆ng Bùi Chính Nghĩa brei thâo, bruă ksiêm dlăng dliê jing tur knơ̆ng čiăng hluê ngă bruă ksiêm dlăng dliê lehanăn lăn dliê grăp thŭn lehanăn bruă čih mkra hdră čuăl mkă, răng mgang, mđĭ kyar dliê mơ̆ng gưl dlông truh kơ alŭ wăl. Mbĭt anăn jing klei hâo hưn mkăp kơ hdră jao dliê mguôp hŏng buă jao lăn dliê kmrơ̆ng lehanăn ngă tur knơ̆ng hluê ngă hdră mtrŭn tĭng tla bruă kriê dlăng, răng mgang dliê. Bruă ksiêm dlăng dliê mâo leh Knŭk kna gĭt gai brei hluê ngă hlăm thŭn 2025, kyua anăn dŭm alŭ wăl amâo bi trông wĭt nao ôh kơ klei anei mbĭt anăn brei mđĭ hdră kiă kriê, pŏk ngă bruă anei./.