Ti knăm anei, Khua gĭt gai Đảng mñă klă, Đảng, Knŭk kna lehanăn mnuih ƀuôn sang Việt Nam hdơr nanao kơ klei đru mơ̆ng Anôk bruă kƀĭn ala, Knŭk kna, lĭng kahan lehanăn mnuih ƀuôn sang Campuchia hŏng mnuih ƀuôn sang Việt Nam hlăm hdră kdơ̆ng mblah mtlaih êngiê djuê ana êlâo adih lehanăn hdră mkŏ mkra ala čar ară anei; mñă Đảng, Knŭk kna Việt Nam dlăng myuôm lehanăn mđing tal êlâo kơ hdră mkŏ mkra, mđĭ klei bi mjĕ plah wah dua ala čar đĭ kyar jăk siam.

Mtao Norodom Sihamoni hơêč hmưi kơ dŭm boh tŭ yuôm hƀuê ênuk mnuih ƀuôn sang Việt Nam dưi mâo hlăm hdră bi mlih, mkŏ mkra lehanăn mđĭ kyar ala čar, đăo knang hŏng klei gĭt gai mơ̆ng Đảng Cộng sản Việt Nam, mơ̆ng Khua gĭt gai Đảng Tô Lâm, mnuih ƀuôn sang Việt Nam srăng lŏ mâo dŭm boh tŭ dưn mrâo, prŏng hĭn, hluê ngă tŭ dưn mta kñăm mâo Đảng kčah mtrŭn, đru mguôp hlăm hdră mđĭ kyar kluôm mơ̆ng krĭng lehanăn tar rŏng lăn. Mtao Campuchia mñă leh klei čang hnăng lehanăn klei gĭr mơ̆ng phung khua kiă kriê lehanăn mnuih ƀuôn sang Campuchia lŏ dơ̆ng ksŭl mbŭ lehanăn krơ̆ng kjăp klei bi mjĕ mơ̆ng dua ala čar.

Êlâo anăn, leh knăm drông ti Adŭ bruă Khua lăn čar, Khua lăn čar Lương Cường bi tuôm leh hŏng Mtao Campuchia./.