Hdră bruă rŭ mdơ̆ng tač êdeh phiơr prŏng Long Thành mâo ênoh bi liê 22.856 êklai prăk. Hŏng klei gĭt gai mơ̆ng Khua Knŭk kna, klei ngă bruă jih ai tiê mơ̆ng dŭm phŭn, dhar bruă, alŭ wăl, dŭm anôk bruă djŏ tuôm leh anăn klei ngă bruă mơ̆ng Knơ̆ng bruă tač êdeh phiơr Việt Nam (ACV), boh nik klei gĭt gai mơ̆ng Khua knŭk kna bi mklă “thŭn 2024 jing thŭn đĭ kyar, thŭn 2025 jing thŭn êdah êdi”, hnơ̆ng đĭ kyar pŏk ngă hdră bruă mâo lu boh tŭ dưn jăk. Khua knŭk kna gĭt gai pŏk ngă klei bi lông 450 hruê mlam hlăm anôk mă bruă, ba hdră bruă truh hdră kñăm hlăm hruê 31/12/2025.

Khua knŭk kna mtă kơ dŭm anôk bruă rŭ mdơ̆ng mkŏ mjing Tač êdeh phiơr prŏng Long Thành leh anăn êlan dơ̆ng êran pral Biên Hoà-Vũng Tàu mđĭ hnơ̆ng ngă bruă, mđĭ pral hnơ̆ng hĭn čiăng lŏ mbŏ wưng êmưt leh êlâo dih.