Mbĭt hŏng dŭm klei êpul gơ̆ng bruă ƀuôn sang čar hâo mdah, dŭm êpul bruă hlăm êpul gơ̆ng bruă ƀuôn sang, sang phat kđi yang ƀuôn, anôk bruă ksiêm dlang kđi klei yang ƀuôn, anôk bruă phăt kđi čar... Knơ̆ng bruă sang čư̆ êa čar Kon Tum srăng bi êdah truh 52 mta bruă yuôm bhăn. Hlăm anăn, mnuih ƀuôn sang mđing lu kơ klei hâo mdah kơ bruă duh mkra ala ƀuôn thŭn  2024. 

Lu mta kñăm bruă duh mkra ala ƀuôn hlăm čar amâo mâo djăp ôh ênoh čuăn kčah, klei bi liê ngă prăk bŏ hŏng klei êmưt, ênoh ba wĭt kơ knŭk kna mâo hlăm brô 4.425 êklai prăk, knŏng djăp mă 96% hdră mtrŭn mơ̆ng êpul gơ̆ng bruă ƀuôn sang čar kčah jao; hnơ̆ng ênoh bi hrŏ ƀun, ênhă pla mjing dŭm mta mnơ̆ng hrŏ. Mbĭt hŏng anăn mnuih ƀuôn sang čar Kon Tum mđing mơh kơ boh tŭ dưn bruă mkiêt mkriêm, bi kdơ̆ng hŏng klei bi liê hơăi mung mang, boh klei kiă kriê ngăn drăp, boh tŭ dưn klei hlue nga bruă djuê ana./.