Anei jing sa hlăm dŭm sang djă pioh kdrăp lĭng kahan đưm prŏng hĭn leh anăn sui hĭn ti Việt Nam, hŏng bruă klam yuôm bhăn hlăm bruă kriê piôh leh anăn bi lar klei yuôm bhăn hlăm hƀuê ênuk bruă lĭng kahan mơ̆ng djuê ana. Mơ̆ng thŭn 2020, Phŭn bruă lĭng kahan ngă bruă rŭ mdơ̆ng sang djă pioh kdrăp lĭng kahan Việt Nam hŏng ênhă giăm 39ha ti kriêk čar Nam Từ Liêm, Hà Nội.

Truh kơ ară anei dưi bi leh wưng tal 1 leh anăn klă klơ̆ng drông phung tuê nao čuă dlăng. Blŭ hrăm hlăm mmông mă bruă, Khua gĭt gai Đảng bi êdah klei bi kngăr kơ wăl sang kriê pioh mbĭt hŏng dŭm mta mnơ̆ng hƀuê ênuk, bi êdah klei đĭ hriê kơ prŏng mơ̆ng lĭng kahan yang ƀuôn Việt Nam. Mñă ktang anei jing anôk hrah čiăng hluê hriăm, ksiêm duah nao mbĭt hŏng bruă răng mgang lăn čar mơ̆ng phung aê ama, boh nik jing klei gĭt gai mơ̆ng Đảng hlăm wưng mđĭ kyar lăn čar. Khua gĭt gai Đảng Tô Lâm ăt mnă kơ dŭm phŭn, dhar bruă alŭ wăl leh anăn ƀuôn prŏng Hà Nội lŏ dơ̆ng mkŏ mjing klei găl kơ Phŭn bruă lĭng kahan hnưm bi leh dŭm bruă hlăm hdră duh bi liê wưng sang tal mơ̆ng anôk bruă anei.