Khua knŭk kna Phạm Minh Chính mđup brei leh hră bi mklă leh anăn mđup brei mnga hơêč hmưi kơ Khua phŭn bruă êlan klông dŭ mdiăng leh anăn Khua phŭn bruă ngăn prăk. Khua knŭk kna Phạm Minh Chính hơêč hmưi leh anăn jao bruă kơ dua čô Khua phŭn bruă, Khua knŭk kna čang hmăng 2 čô Khua phŭn bruă gĭr klam klei dleh dlan hŏng Knŭk kna, găn klei lông dlăng, bi hgŭm sa ai tiê, bi trông brei dưi ngă, tơdah ngă brei tŭ jing, bi leh jăk, dlăng sa êlan, bi tŭ ư snăn brei ngă kyua klei mnuih ƀuôn sang čang hmăng, čar kwar čang guôn, djuê ana čang hmăng.

Ti anăp Khua knŭk kna leh anăn phung hlăm Knŭk kna, Khua phŭn bruă êlan klông dŭ mdiăng leh anăn  Khua phŭn bruă ngăn prăk ƀuăn leh hŏng Khua knŭk kna Phạm Minh Chính srăng gĭr bi leh jăk bruă klam jao, năng hŏng klei čang hmăng mơ̆ng Khua gĭt gai Đảng, Knŭk kna, Khua Knŭk kna.