Blŭ hrăm hlăm mmông mă bruă, Khua lăn čar Lương Cường mñă klă, čiăng lŏ mtrŭt mđĭ bruă mkŏ mjing dŭm êpul bruă Đảng hlăm bruă phat mkra yang ƀuôn kpă ênuah, kjăp ktang, mđĭ hĭn klei gĭt gai mơ̆ng Đảng hŏng bruă phat mkra, rơ̆ng kơ hdră bhiăn klei êngiê, bi lar bruă klam gĭt gai mơ̆ng gưl bruă Đảng nah gŭ, êpul bruă Đảng, bruă sang čư̆ êa leh anăn êpul êya hlăm grăp anôk bruă phat mkra.

Djŏ tuôm hŏng boh klei bi khuăt êpul mă bruă, Khua lăn čar mñă klă anei jing 1 bruă klam yuôm bhăn, Bruă phat mkra srăng ngă jăk hdră êlan mơ̆ng Đảng hluê si hdră dăp êpul mă bruă khuăt – ktang – tŭ dưn, nao mbĭt hŏng bruă mlih mrâo hdră êlan gĭt gai, rơ̆ng kơ phung knuă druh, phung mă bruă mâo ênŭm klei găl, ai dưi, mă bruă găl guôp, bi klă bruă păn, bruă mă hŏng klei kreh knhâo, klă hŏng boh sĭt, bi klă mta phŭn mbha gưl knuă druh, phung mă bruă knŭk kna, mnuih mă bruă.