Hlue si Knơ̆ng bruă lŏ hma leh anăn Mđĭ kyar krĭng ƀuôn sang čar Dak Lak, yan kphê 2023-2024, hnơ̆ng kphê čar Dak Lak mâo êbeh 535.000 ton, hrŏ 23.000 ton mkă hŏng yan êlâo. Ƀiădah kyua ênoh ba čhĭ kơ ala tač êngao lu, prăk hrui wĭt čhĭ kphê ti čar mâo 915êklăk USD, đĭ 168 êklăk USD mkă hŏng yan êlâo.

Hlue si Nguyễn Hoài Dương, Khua Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak, kphê ăt jing ana pla mjing phŭn, đru mguôp yuôm bhăn hlăm klei mđĭ kyar bruă duh mkra ala ƀuôn ti alŭ wăl. Boh nik, hlăm yan 2023-2024, Dak Lak pŏk mlar, mđĭ kyar kphê jăk, anei jing hdră đĭ kyar mrâo, djŏ guôp hŏng klei čiăng yua dlông rŏng lăn. Hlăm yan kơ anăp, dŭm alŭ wăl mđing mđĭ hnơ̆ng jăk, hnơ̆ng lu, mđĭ kyar lu hĭn dŭm krĭng pla kphê jăk; mđĭ ktang bruă răng mgang kphê mâo hră mơar bi mklă jing kphê Ƀuôn Ama Thuôt hlăm anôk ba čhĭ ala tač êngao, hlue ngă bruă mkra mjing kphê amâo bi rai dliê mơ̆ng Êpul hgŭm Ơ Rôp.