Truh kơ ară anei čar Kon Tum mâo leh giăm 11.300 héc-ta ana êa drao, hlăm anăn ana sâm Ngọc Linh êbeh 2.400 héc-ta. Hrui wĭt mơ̆ng bruă pla mjing ana êa drao đru leh kơ mnuih ƀuôn sang ti dŭm kdriêk: Tu Mơ Rông, Kon Plông lehanăn Đăk Glei đĭ kyar, đru kơ klei duh mkra ala ƀuôn hlăm krĭng taih kbưi hlăm čar mâo klei đĭ kyar.

Ară anei, čar Kon Tum hlăk dôk mkŏ mjing sa hdră ba mjeh ana êa drao truh hŏng mnuih djuê ƀiă, đru kơ hdră pla mjing, hdră mkra boh mnga leh mâo... čiăng pŏk phai anôk pla mjing dưi lŏ đru mkăp wăt mjeh. Êjai anăn, ênoh mjeh sâm Ngọc Linh jing yuôm, 1 asăr mjeh hlăm brô 100.000 prăk, 1 phŭn êđai mjeh leh sa thŭn 300.000 prăk. Kyua anăn, Kon Tum iêo jak phung duh bi liê đru hlăm bruă anei, mkŏ mjing krĭng pla mjing ti hnơ̆ng prŏng./.