Lu klei blŭ hlăm  Knơ̆ng bruă ngăn prăk knŭk kna tŭ ư hŏng klei čiăng êdi mâo Hdră mtrŭn čiăng lŏ dơ̆ng yua hdră êlan bi hrŏ ênoh jia đĭ, đru bi hrŏ ênoh mnơ̆ng dhơ̆ng, ênoh čhĭ mnơ̆ng dhơ̆ng, mơ̆ng anăn mđĭ klei ba yua, mđĭ lar bruă mă kơ phung mă bruă, đru kơ mnuih ƀuôn sang, anôk bruă duh mkra lŏ dơ̆ng mđĭ lar hnơ̆ng kơrŭ wĭt  leh anăn ngă bruă mkra mjing, mnia blei čiăng đru mguôp kơ prăk knŭk kna leh anăn bruă duh mkra. Lu klei mĭn hlăm Knơ̆ng bruă ngăn prăk knŭk kna tŭ ư hŏng klei kčĕ mơ̆ng Knŭk kna kơ bruă lŏ dơ̆ng brei ba yua hdră êlan mơ̆ng hruê 01/01/2025 truh jih hruê 30/6/2025.

K’iăng Khua Bruă kƀĭn ala Nguyễn Đức Hải brei thâo, dhar bruă kƀĭn ala tŭ ư hưn hŏng Bruă kƀĭn ala ksiêm dlăng hdră mtrŭn bi hrŏ jia ênoh ênil đĭ mơ̆ng Knŭk kna; akâo kơ Knŭk kna mđing hmư̆ klei blŭ mguôp mơ̆ng Dhar bruă kƀĭn ala, anôk bruă ksiêm dlăng čiăng mbŏ klei hâo hưn ksiêm dlăng klei dưi ngă bi hrŏ jia hưn mdah leh hŏng Bruă kƀĭn ala bi mklă.