Dua tĭng bi trông kơ dŭm hdră êlan prŏng, bi mklă dŭm hdră msir klă klơ̆ng kñăm mđĭ klei bi hgŭm lehanăn mkra mđĭ klei bi mjĕ hlăm wưng ti anăp. Dua tĭng tŭ ư brei mđĭ hdră bi trông dŭm gưl, mđĭ hdră bi hgŭm hlăm bruă mdrao mgŭn, mjuăt bi hriăm, bruă kreh knhâo, kdrăp mrâo, hdră mă bruă, dhar kreh – mjuăt ktang asei mlei lehanăn hiu čhưn ênguê lehanăn mjĕ mjuk mnuih ƀuôn sang.

Khua lăn čar Lương Cường brei thâo, dua tĭng bi mklă leh mta kñăm mđĭ boh tŭ hdră bi hgŭm – duh bi liê lehanăn mđĭ ênoh prăk bi mnia mblei dua nah; hluê ngă djăp ênŭm klei kuôl kă dua ala čar nao hgŭn, boh nik ba yua tuič hnơ̆ng klei găl mơ̆ng Klei kuôl kă btuă mnia mblei êngiê Việt Nam – EU(EVFTA); mđĭ lar bruă klam dŭm klei bhiăn bi hgŭm, hlăm anăn mâo Dhar bruă mlir knŭk kna kơ hdră bi hgŭm bruă duh mkra – kreh knhâo, kdrăp mrâo. Mbĭt anăn, dua tĭng tŭ ư pŏk mlar hdră bi hgŭm mrâo mâo Bulgaria mâo klei găl lehanăn Việt Nam mâo klei čiăng msĕ si mlih mtô, kdrăp sinh học hlăm hdră lŏ hma, mdrao mgŭn….