Khua mil čhil Bulgaria hriê čhưn Việt Nam
Thứ hai, 13:39, 25/11/2024
VOV Tây Nguyên
VOV Tây Nguyên
VOV4.Êđê – Hruê mbruê (24/11), Khua mil čhil Bulgaria Rumen Radev lehanăn Mô̆ ñu mphŭn gưl hiu čhưn ti Việt Nam mơ̆ng hruê 24-28/11 hluê asăp jak iêu mơ̆ng Khua lăn čar Lương Cường.
Leh truh ti Hà Nội, Khua mil čhil Bungari Rumen Radev mâo leh klei bi tuôm hŏng Êpul hgŭm bi mjĕ mjuk Việt Nam - Bungari lehanăn mnuih Việt Nam tuôm hriăm, mă bruă ti Bungari.
Ti knăm anei, Khua êpul hgŭm bi mjĕ mjuk Việt Nam - Bungari Huỳnh Quyết Thắng hưn mdah leh dŭm gru kruăk siam hlăm klei bi mjĕ hgŭm bruă jăk siam plah wah Việt Nam – Bungari dăl hlăm 74 thŭn êgao, bi êdah klei mơak hlăm klei bi mjĕ plah wah Việt Nam – Bungari dôk đĭ kyar jăk siam hlăm hdră hŏng tač êngao, mjuăt bi hriăm, mnia mblei, duh bi liê. Khua mil čhil Bungari Rumen Radev bi mni dŭm boh tŭ Việt Nam dưi mâo hlăm wưng êgao, mbĭt anăn mñă, klei bi mjĕ dua ala čar amâo mdei dưi mkra mđĭ hlăm lu mta bruă./.
Viết bình luận