Hŏng giăm 30 bruă ngă, klei khua bruă kƀĭn ala đuĕ hiu anei mâo ba wĭt leh klei tŭ dưn jăk siam. Hlăm klei nao čhưn kơ ala čar Campuchia, Khua bruă kƀĭn ala Trần Thanh Mẫn mâo leh klei bi tuôm hŏng mtao Norodom Sihamoni; bi tuôm hŏng khua kiă kriê Đảng, Khua anôk bruă kƀĭn ala nah dlông Hun Sen; bi tuôm hŏng khua knŭk kna Hun Manet; bi trông hŏng khua bruă kƀĭn ala Campuchia Samdech Khuon Sudary…

Ti anôk bi tuôm hŏng khua bruă kƀĭn ala Campuchia, dua čô khua kiă kriê bi lač, dua anôk bruă kƀĭn ala lŏ dơ̆ng mđĭ hĭn bruă klam mơ̆ng anôk bruă mkŏ mjing klei bhiăn, thâo bi đru hlăm dua nah, ksiêm dlăng, mtrŭt dŭm phŭn dhar bruă, alŭ wăl lehanăn phung duh mkra jih ai tiê hlue ngătŭ jing jih jang klei leh kuôl kă, klei leh bi tŭ ư, lŏ dơ̆ng bi đru lu hĭn hlăm bruă kƀĭn ala, kơ jih jang bruă mkŏ mjing klei bhiăn, hdră bhiăn, bi ksiêm dlăng bruă hlue ngă hdră bhiăn, hlăm anăn mâo hdră êlan yuôm bhăn mơ̆ng mdê bi ala čar./.