Hlăm klei kƀĭn trông anei, gưl dlông bi trông ksiêm dlăng leh anăn bi klă dŭm boh klei msĕ si hdră êlan hluê ngă leh anăn ksiêm wĭt hdră mtrŭn mrô 18 mơ̆ng Êpul khua bruă Đảng gưl dlông gưl 12 kơ đa đa klei mlih mrâo, dăp mnuih mă bruă mơ̆ng bruă kđi čar khuăt leh anăn ngă bruă tŭ dưn, bi kơ bruă lŏ mkŏ hdră êlan pui kmlă hạt nhân Việt Nam leh anăn lŏ dơ̆ng ksiêm dlăng hdră pui kmlă hạt nhân Ninh Thuận, kơ klei ksiêm dlăng ƀuah mkra đảng viên ngă soh leh anăn brei mdei bruă Khua hlăm bruă Đảng gưl dlông gưl 13 leh anăn hưn mdah bi kluôm mnuih mă bruă khua kiă kriê anôk bruă knŭk kna.

Blŭ gĭt gai klei bi kƀĭn, Khua gĭt gai Đảng Tô Lâm mñă kơ dua boh klei čiăng kơ gưl dlông ksiêm dlăng bi trông leh anăn bi klă, anăn jing hdră êlan ksiêm wĭt hnưm kluôm dhuôm hdră mtrŭn mrô 18 leh anăn lŏ dơ̆ng bi kluôm bruă kđi čar khuăt, ngă bruă tŭ dưn, boh nik jing gưl dlông. Mñă ktang kơ klei khuăt mơ̆ng bruă kđi čar dưi bơ̆k bâo hlăm lu wưng păn bruă leh anăn srăng mgaih msir ngă klei mlih mrâo.