Ti knăm anei, Êpul hgŭm pah brei klei pah mni bi mni leh 22 mta bi lông êdah êdi mơ̆ng thŭn anei, ruah 128 mta čiăng mkŏ mjing Knăm rang mdah truh kơ mnuih ƀuôn sang hlăm kluôm ala, êpul êya mnuih Việt Nam ti ala tač êngao lehanăn ƀĭng găp hlăm tar rŏng lăn. Êpul hgŭm bi mklă klei bi lông tĭng dlăng, mbĭt hŏng ênoh mta klei bi lông đĭ, hnơ̆ng tŭ jăk dŭm mta bi lông thŭn anei ăt dưi mkra mđĭ klă sĭt.

Blŭ ti knăm anei, Khua Anôk bruă kiă kriê klei hâo hưn gưl dlông Nguyễn Trọng Nghĩa bi mni kơ jih jang mnuih mâo leh klei bi lông hlăm thŭn anei. Čiăng mđĭ hnơ̆ng tŭ jăk, boh tŭ klei hâo hưn kơ hdră knông lăn ala čar hlăm wưng ti anăp, Khua anôk bruă kiă kriê klei hâo hưn gưl dlông mtă kơ dŭm êpul êya, anôk bruă mơ̆ng gưl dlông truh kơ alŭ wăl brei hluê ngă kjăp hdră êlan mtrŭn mơ̆ng Đảng, Knŭk kna kơ bruă knông lăn, klei dưi kiă kriê kluôm ênŭm ala čar hlăm boh klei mrâo – hluê si ai tiê Hdră mtrŭn Klei bi kƀĭn tal 13 mơ̆ng Đảng./.