Hluê si klei hưn, bruă gang mkhư̆ phung ngă soh dưi kñăm ngă jih hnơ̆ng, bruă gang mkhư̆ phung ngă soh dưi hluê ngă kluôm êlam. Dŭm hnơ̆ng čuăn Bruă Kƀĭn Ala jao dưi bi leh, đa đa êgao hdră kčah. Hluê si klei hưn mơ̆ng knŭk kna kơ bruă ƀuah mkra klei ngă soh, thŭn 2024 mâo klei ƀuah mkra leh anăn ênoh prăk lu hĭn mơ̆ng êlâo truh kơ ară anei.

Boh sĭt bruă mnuih ƀuôn sang nao ti anôk drông mnuih ƀuôn sang mơ̆ng dŭm anôk bruă mơ̆ng Bruă Kƀĭn Ala, êpul bi ala Bruă Kƀĭn Ala hrŏ, ƀiădah hră kčŭt hưn, bi êdah mơ̆ng mnuih ƀuôn sang mơĭt kơ anôk bruă mơ̆ng Bruă Kƀĭn Ala, đĭ êbeh 1000 pŏk hră mkă hŏng thŭn 2023. Phung bi ala lač bruă drông mnuih ƀuôn sang, mgaih msir klei kčŭt hưn mơ̆ng Bruă Kƀĭn Ala leh anăn phung bi ala Bruă Kƀĭn Ala jing bruă klam kñăm, bi êdah bruă klam hŏng mnuih ƀuôn sang, leh anăn phung bi ala čiăng bi mguôp mơ̆ng gưl dlông truh kơ alŭ wăl. Čiăng mđĭ hĭn boh tŭ dưn, čiăng mkŏ mjing phần mềm kriê dlăng klei kčŭt hưn, mkŏ dŭm klei čih pioh plah wah dŭm anôk bruă čiăng ksiêm dlăng jih mơ̆ng klei drông mnuih ƀuôn sang truh kơ mgaih msir.