Kiă kriê klei bi kƀĭn Nguyễn Thị Thanh mñă dhar bruă gĭt gai bruă kƀĭn ala mâo leh klei hdơr knga prŏng prĭn , lehanăn mơĭt klei hơêč hmưi jăk siam truh hŏng phung nai, leh wĭt mdei, lehanăn phung nai dôk mtô, phung bi ala bruă kƀĭn ala ngă leh bruă lehanăn lŏ dôk ngă čiăng kơ bruă sang hră mơar, mbĭt hŏng giăm 1,6 êklăk čô phung nai mtô, knuă druh kiă kriê bruă sang hră mơar hlăm djăp čar kwar kluôm ala.

Phung bi ala bi êdah dŭm klei ư ai prŏng prĭn hlăm bruă mtrŭn hdră bhiăn kơ sang hră mơar, čiăng mkŏ mjing lehanăn mjing djăp klei găl kơ phung nai, mghaih msir jih jang bruă dôk gun kpăk hlăm klei kiă kriê, lehanăn mtô bi hriămară anei. Tui si pô bi ala Trần Văn Thức, êpul mơ̆ng Thanh Hóa, bruă hrŏng ruah phung nai mtô ti dŭm boh sang hră knŭk kna hlăk dôk djă yua hdră êlan kluôm hŏng bruă hrŏng ruah mnuih ngă bruă, anei jing klei adôk ka djŏ, kyua dôk mâo lu anôk kƀah nai mtô snăk, amâo mâo dưi ôh mkŏ mjing dŭm klei bi hriăm hlue hŏng hdră mtô bi hriăm thŭn  2018.