“Sang ƀĭng kahan” mâo ênhă 100m2 mđup brei kơ gŏ sang Đại uý Y-Thuy Ƀuôn Krông – Adŭ bruă ksiêm dlăng Anôk bruă gĭt gai kahan răng mgang knông lăn čar Dak Lak. Sang prŏng siam, jiă kma klei khăp ƀĭng kahan srăng đru kơ 6 čô hlăm gŏ sang kahan Y-Thuy Ƀuôn Krông hơĭt ai tiê hdĭp mda, mă bruă, gĭr ktưn hlăm klei hdĭp; mjing klei đăo knang kơ phung knuă druh, lĭng kahan hơĭt ai tiê mă bruă hŏng anôk bruă leh anăn bi leh jăk bruă klam.

Hlue si Đại tá Đào Viết Hùng - Khua Anôk bruă gĭt gai kahan răng mgang knông lăn čar Dak Lak, hlăm thŭn 2024, dŭm anôk bruă, anôk bruă duh mkra hrăm mbĭt đru mkŏ mjing 11 boh “sang ƀĭng kahan” leh anăn “Sang hơuh mđao knông lăn” đru kơ mnuih ƀuôn sang ti krĭng knông lăn leh anăn phung lĭng kahan mâo klei dleh dlan kơ sang dôk. Hlăm anăn, hjăn VOV Lăn Dap Kngư mđup brei leh 2 ƀoh sang mâo ênoh 150 êklăk prăk.