Bruă sang čư̆ êa alŭ wăl ngă leh dŭm hdră êlan răng mgang klei êđăp ênang kơ mnuih ƀuôn sang. Lê Hữu Hưng, khua bruă sang čư̆ êa să Kim Tân, kdriêk Ia Pa, čar Gia Lai brei thâo, hjan prŏng mơ̆ng mlam hruê 11 truh kơ jih hruê 12/11.

Hlăm brô 5 mmông aguah hruê mbruê 13/11, mnuôr mđuê êa găn hnoh Đăk Pi Hao, kdrêč găn ƀuôn Mơ Nang 2 êa êngăp êlam, ngă kơ 315 gŏ sang hlăm ƀuôn anei ktlah hjăn. Bruă sang čư̆ êa alŭ wăl ngă leh bruă hâo hưn, mtă kơ mnuih ƀuôn sang amâo mâo găn mnuôr mđuê̆ êa leh anăn tiŏ nao êpul gak răng čiăng răng mgang klei êđăp ênang.