Phung anei ngă mgưt hưn mthâo phung yua pui dôk đuôm nư prăk pui, arưp srăng khăt pui kmlă, brei phung yua pui tĭng tla mtam hŏng hdră mơĭt prăk hlăm tài khoản amâo dah brei mkŏ dưm ứng dụng mgưt hlăm đĭng blŭ kñăm ksiêm dlăng đĭng blŭ phung ba yua pui lehanăn diñu srăng yua đĭng blŭ anăn mơĭt prăk.

Anôk bruă pui kmlă Dak Lak bi mklă, mnuih mă bruă tơdah blŭ hrăm hŏng mnuih yua pui srăng hluê ngă kjăp klei bhiăn mă bruă, amâo mâo duah brei phung yua pui mŭt hlăm êlan link, mkŏ dưm ứng dụng hlăm đĭng blŭ. Anôk bruă pui kmlă Dak Lak mtă kơ phung yua pui mđĭ klei răng, amâo mkăp klei hâo hưn, amâo tĭng tla, mơĭt prăk hlăm tài khoản tơdah ka mâo klei bi mklă, amâo duah mkŏ dưm ứng dụng hlăm đĭng blŭ. Tơdah mâo tin nhắn, đĭng blŭ iêu đing ngă mgưt anôk bruă pui kmlă, drei iêu mtam kơ mrô đĭng blŭ 19001909 amâo dah nao hưn mthâo mtam hŏng anôk bruă pui kmlă alŭ wăl čiăng mâo hdră đru kčĕ./.