Ti ƀuôn prŏng phŭn Bắc Kinh, Phan Đình Trạc lehanăn Êpul bi tuôm leh hŏng Lý Hy, Khua dhar bruă ksiêm dlăng klei ƀuah mkra gưl dlông Đảng Cộng sản China, bi trông hŏng Trần Văn Thanh, Khua anôk bruă kriê dlăng hdră bhiăn gưl dlông Đảng Cộng sản China, mă bruă hŏng phung khua kiă kriê dhar bruă ksiêm dlăng klei ƀuah mkra gưl dlông, Dhar bruă ksiêm dlăng ala čar China.

Ti knăm anei, phung khua dua tĭng mña klă klei yuôm bhăn mơ̆ng dŭm gưl hiu čhưn dua nah mơ̆ng phung khua kiă kriê dua Đảng, dua knŭk kna, giăm anei hĭn jing gưl hiu čhưn ti China mơ̆ng Khua gĭt gai Tô Lâm; bi mni kơ dŭm knhuang đĭ kyar yuôm bhăn, klă sĭt, kluôm dhuôm mơ̆ng klei bi mjĕ dua Đảng, dua knŭk kna hlăm djăp mta bruă, boh nik jing hdră bi mjĕ mjuk gưl dlông, bi hgŭm hdră duh mkra, mnia mblei, duh bi liê, bi hgŭm hdră hiu čhưn ênguê lehanăn mjĕ mjuk mnuih ƀuôn sang, mtrŭt mđĭ klei bi mjĕ Việt Nam – China đĭ kyar truh ti hnơ̆ng mrâo./.