Klei bi lông mâo êbeh 2.800 čô hđeh nao bi lông, hŏng giăm 200 klei kdŏ mmuñ mơ̆ng dŭm sang hră gưl 3 leh anăn adŭ bruă sang hră mtô bi hriăm hlăm čar Dak Lak. Hŏng akŏ bi mni kơ ƀuôn sang lăn čar, Đảng, Awa Hồ, mđing kơ phŭn agha leh anăn klei khăp phung nai - hđeh sang hră, klei bi lông mâo lu klei kdŏ mmuñ jăk siam, bi êdah knhuah gru djuê ana… lu klei kdŏ mmuñ mprăp jăk snăk kơ klei čih mkra, klei mtô kdŏ, kdrăp čŭt hơô…

Êngao kơ hdră kñăm ksiêm dlăng boh tŭ ngă bruă mơ̆ng hdră kdŏ mmuñ hlăm sang hră, Klei bi lông lŏ jing gưl kơ phung nai leh anăn hđeh sang hră ti Dak Lak tui hriăm, hyuă kjăp klei bi hgŭm, mjing ai êwa jăk mơak, mkŏ mjing “Sang hră jăk mơak - hđeh sang hră hur har”